ප්‍රහේළිකා කවි

පැරණි ජන කවියා සමාජයේ දකින අසන බොහෝ දේ කවිය සදහා වස්තු විෂය කරගත් බව දැකිය හැක.ගමකට යන පාර ඇසූවිට ඔහු එයට පිළිතුරු දුන්නේද ප්‍රහේළිකා කවියකිනි.

(1)මේ මුල්කිරිගලට යන පාර ඇසූ අයෙකුට ජන කවියා ප්‍රහේළිකා කවියකින් පිළිතුරු දුන් ආකාරයයි.

කිරිදිවැල කඩා හක උගුලා ගන්න
වේපත ඉරා දෙන තදකර බැදගන්න
මීයා මරා කණුවට සිරකර ගන්න
දළුව කඩා මුල බැදගෙන පලයන්න

කිරිදි -කිරින්ද
හක -හක්මන
වේපත ඉරා -වේපතඉර
දෙන -දෙනගම
මීයා -මී ඇල්ල
කණුවට -කණුමුල්දෙනිය
දළුවකඩා -දළුවක්ගොඩ
මුල -මුල්කිරිගල

(2)මේ නිවිතිගලට පාර කියූ අයුරුයි.

ඇස් නැති දොලකි අතපය නැති බොකු පතකී
නොඉදුනු බතකි වරපට අදිනා ගමකී
කුඩමසුකැටිය සහ පාතින් යන ගමකී
සාත්තර පරුවතේ එතනම ඔන්න සකී

ඇස් නැති දොල -කණදොල
අතපය නැති -කොටාමුල්ල
නොඉදුනු බත -අමුවල
වරපට අදින -හංගොමුව
කුඩමසු කැටිය-මගුරුගොඩ
පාතින් යන ගම -පාතකඩ
සාත්තර පරුවතේ -නිවිතිගල